Site under construction

Laf Lilibit, Gladi Lilibit Mɔ

​

Wan famili na Naijiria bin sɔprayz we dɛn mama in kɔfin kam om frɔm Amɛrika we dɛn sista sɛn in bɔdi kam. Di smɔl bɔdi bin kwis tayt tayt wan insay di kɔfin sote di mami in fes bin di tɔch di glas kɔba. 

We dɛn opin di kɔfin, dɛn si lɛta we dɛn sista na Amɛrika rayt, we se:-

Dia brɔda ɛn sista dɛm, 

A de sɛn wi mama in bɔdi fɔ bɛrin na Legɔs. Sɔri fɔ we a nɔ ebul kam bikɔs di kɔfin dia fɔ travul wit.

Una go si 12 kɔp Libby Kɔn bif ɛn 12 kɔp Lɔnchɔn Mit ɔnda mama in bɔdi.

Una jɔs sheb am to una sɛf. Na mama in fut una go si wan pia nyu Reebok crep, sayz et fɔ Juniyɔ. Dɔn, una go si fo pia Reebok ɔnda mama in bɔdi, una gi Tunde in pikin dɛm.

Mama wɛr siks Ralph Lauren T-shɔt - wan fɔ Dayɔ, Rɔy ɛn di ɔda wan dɛm na fɔ mi nɛfyu dɛm. Mama wɛr wan dɔzin Wonder Bra (brezia), una sheb dɛn wan de fɔ una sɛf.

Di tu dɔzin Victoria Secret drɔz dɛm we mama wɛr, una sheb dɛm to mi nis ɛn kɔzin dɛm. Mama wɛr Dockers drɔz dɛm - Jems, duya tek wan fɔ yusɛf dɔn di ɔda wan dɛm na fɔ di bɔbɔ dɛm. Di Swis wach we mama wɛr na in lɛf an na fɔ yu. Anti Ronkɛ, mama wɛr wetin yu bin aks fɔ - yerin, riŋ ɛn chen, duya tek dɛm. Dɛn siks pia Chanel stɔkin we mama wɛr una gi dɛn tinej gyal pikin dɛm. A op se dɛn go lɛk di kɔla.

Una Lɔvin sista,

Nene.

P.S. 

Duya una tek tɛm fɛn fayn clos we una go drɛs mama wit fɔ di bɛrin. (UNA KIN GO NA ORILE Ɔ YABA FƆ CHIP SHRAWD).

In kes una nid ɛni ɔda tin we a fɔgɛt, una mek a no kwik o, "bikɔs ƆNKUL NƆ DE FIL WƐL."