https://dd0306e0-e3f5-4326-aaef-3c8b8e8515f7.usrfiles.com/ugd/cb5577_81735a15133d44bdb5910bc9bce167b1.pdf
 

Posted on January 3, 2021

Wi riali gladi fɔ we una kam jɔyn wi fɔ pulnado di nyu Krio wɛbsayt, las wik Satide Disɛmba 19. Wi de sɛn spɛshal tɛnki to una ɔl we bin kam batɔ wi; ɔltogɛda, mɔ dan wan ɔndrɛd ɛn fifti ɔf una bin de de. Dat mek wi fil gud.

 

Wi aprishiet ɔl una kɔntribyushɔn dɛm wɛ una tɔk bɔt di projɛkt dɛm we una de du, ɛn una yon aydia dɛm. Di intrɛst we una sho ɛn una ɔfa fɔ de sɔpɔt wi, riali ɛnkɔrej wi. Dis na di kayn kɔmyuniti projɛkt we wi wan fɔ si.

 

Egen, di wɛbsayt in adrɛs na: www.salonkrio.com. Wi wan mek bɔku pipul dem go na di Krio wɛbsayt. So, du ya, una sheb dis link wit una Fesbuk ɛn Watsap grup dɛm, ɛn ɔl di grup ɛn institushɔn dɛm we una tink se go wan fɔ no wetin wi de du, ɛn ivin ɛp wi.

Wi go put link dɛm na di wɛbsayt afta wi dɔn ɛdit di Zum ɛn Yutub vidio dɛm bɔt di pulnado. 

Wan mɔ tɛm, una tɛnki, tɛnki,

 

Esme James,

Salon Krio (SLK)

Salon Krio Wɛbsayt Pulnado - Disɛmba 19, 2020.

Spɛshal Tɛnki