Kɔmɔn Sɛns, In Bɛrin. I Fɔni, Bɔt Na Tru

Wi sɔri fɔ anawns se wi papa, wi padi, ɛn wi fambul Mr Kɔmɔn Sɛns dɔn day.

I bin dɔn de wit wi fɔ lɔŋ iya bɔt wi nɔ no in ej bikɔs in baf satifiket bin dɔn lɔs na di baf ɛn dɛt ɔfis. Wi go mɛmba fɔ di tin dɛm we i bin timap tranga fɔ. Tin dɛm lɛk:

Fɔ nɔ se fɔ kɔmɔt ɔnda ren; wetin mek di fɔs bɔd naim go it di wɔrɔm; layf nɔ fiya; ɛn sɔntɛm na mi fɔlt.

Mr Kɔmɔn Sɛns bin lib bay simpul sawnd faynanshal abit dɛm (nɔ spɛnd pas ɔmɔs dɛn de pe yu) ɛn i bin rilayebul (na big pɔsin, nɔto pikin de in chaj).

Mr Kɔmɔn Sɛns in ɛlt bigin fel kwik kwik we dɛn bigin pas lɔ dɛm we luk lɛk dɛn fayn, bɔt we nɔ mek sɛns lɛk we; dɛn anawns se dɛn chaj wan siks iya bɔbɔ fɔ "sɛkshual arasmɛnt" fɔ we i kis in clasmet; dɛn sɔspɛnd wan skul pikin bikɔs i yuz mawt wash lɔnch tɛm; ɛn we dɛn sak wan ticha fɔ we i bit wan skul pikin we bin de misbiev, jɔs mek lɛ Mr Kɔmɔn Sɛns in ɛlt wɔs.

Mr Kɔmɔn Sɛns in kɔndishɔn wɔs mɔ ɛn mɔ we perɛnt dɛm atak ticha dɛm fɔ we dɛn du di wok we dɛn di perɛnt dɛn binfɔ du, fɔ disiplin dɛn rud pikin dɛm.

I sik bad bad wan we skul lɔ se di perɛnt fɔ gri fɔ lɛ in pikin rɔb mɛrɛsin fɔ blich ɔ we di ticha gi wan sik skul pikin we sik Aspirin; bɔt di ticha nɔ fɔ tɛl di perɛnt we in gyal pikin gɛt bɛlɛ.

Mr Kɔmɔn Sɛns taya wit layf we di chɔch tɔn to biznɛs, ɛn we di kriminal gɛt bɛtɛ trimɛnt pas di pɔsin we i tif.

Mr Kɔmɔn Sɛns in ɛlt fɔdɔm we yu nɔ gɛt rayt fɔ difɛnd yusɛf we tifman kam na yu yon os, dɔn di tifman kɛr yu go kot fɔ we yu nak am.

Mr Kɔmɔn Sɛns faynali giv ɔp we wan uman de drink ti we bin wam. I kɛr di ti lif kɔmpin go kot, ɛn dɛn pe am bɔku bɔku mɔni.

Mr Kɔmɔn Sɛns in perɛnt dɛm na bin Papa Tru, Mama Trɔs, ɛn in wɛf Mrs Diskrɛshɔn; in gyal pikin Rɛspɔnsibiliti; ɛn in bɔy pikin Rizin.

I bin gɛt fo stɛp pikin dɛm; A No Mi Rayt; A Want Am Rayt Naw; Na Ɔda Pɔsin In Fɔlt; ɛn Mi Na Viktim.

Bɔku pipul nɔ bin go di bɛrin bikɔs dɛn nɔ bin no se i dɔn go.